تركيب أدوات التتبع والقياس

نضبط GA4 وبكسلات المنصات والتتبع من الخادم، عشان كل ريال تصرفه ينحسب، وكل قرار تاخذه يكون على رقم صحيح.

ليش التتبع مهم؟

بدون تتبع صحيح، المنصات الإعلانية تتعلم من بيانات ناقصة، وأنت تقرر على أرقام ما تعكس الواقع. التتبع المضبوط يوضح لك أي حملة تجيب مبيعات فعلًا، وأي صرف ما له مردود.

وش تشمل الخدمة

  • إعداد GA4 وGoogle Tag Manager — نركّب GA4 وندير كل الأكواد من Google Tag Manager، بأحداث وتحويلات معرّفة صح.
  • بكسلات المنصات الإعلانية — نركّب بكسلات المنصات مثل Meta وSnapchat وTikTok وX وGoogle Ads، ونربطها بالتحويلات.
  • التتبع من الخادم — نرسل التحويلات من الخادم مباشرة (Server-side)، عشان ما تضيع مع حاجبات الإعلانات وقيود المتصفحات.
  • تتبع المشتريات والطلبات — أحداث التجارة الإلكترونية ونماذج التواصل والاتصالات: كل تحويل مهم لنشاطك.
  • فحص التتبع الحالي وإصلاحه — نراجع اللي مركّب عندك، ونطلع الأكواد المكررة والأحداث الناقصة ونصلحها.
  • لوحات بيانات وتقارير — لوحة وحدة تجمع أرقامك، عشان تشوف الأداء بدون ما تتنقل بين المنصات.

كيف نشتغل معك

  1. نفحص وضعك الحالي — نشوف الأدوات المركّبة، وش يشتغل منها ووش ناقص.
  2. نحدد وش ينقاس — نتفق على الأحداث والتحويلات المهمة لنشاطك.
  3. نركّب ونضبط — GA4 وGoogle Tag Manager وبكسلات المنصات والتتبع من الخادم.
  4. نختبر ونتأكد — نجرّب كل حدث ونتأكد إن الأرقام توصل صحيحة لكل منصة.
  5. نسلّمك لوحة البيانات — لوحة واضحة وتوثيق للي تركّب، عشان فريقك يكمل عليه.

أسئلة شائعة

وش الفرق بين التتبع من المتصفح والتتبع من الخادم؟
تتبع المتصفح يعتمد على كود يشتغل عند الزائر، وممكن يتعطل بحاجبات الإعلانات وقيود المتصفحات. التتبع من الخادم يرسل التحويل من خادمك مباشرة للمنصة، فتوصل البيانات أكمل.
أحتاج GA4 إذا عندي بكسلات المنصات؟
نعم. البكسلات تخدم كل منصة لحالها، وGA4 يعطيك صورة وحدة لكل المصادر، فتقدر تقارن بينها على نفس الأساس.
كيف أعرف إن التتبع عندي فيه مشكلة؟
جرّب فحص التتبع المجاني في موقعنا: يكتشف أدوات التتبع المركّبة في موقعك، ويوضح المشاكل المحتملة وأهم الإصلاحات.

كمّل الطريق لجمهورك

اطلب الخدمة